مآذآآآق طعـم آلحـب آنسـآن

ياللي تشوف الحزن في وجـه مغليـك
وش فيك ماترفق على منهو اغلاك..!


لازم تشوفـه يسهـر الليـل يبكيـك
ولا فلاحبـك ولاهـوب يـهـواك.!!


لاشفت خلـك ظايـق وودهـ يجيـك
قلـه هـلا واهليـن والفيـن حيـاك


قلـه حبيبـي سـم كـلـي لعينـيـك
امـر حبيبـي كـل ماتطلـب فـداك


هـذا جـزاه اللـي ينسيـك ماضيـك
وهذا جزاه اللـي الا ضقـت واسـاك


لاقلت لـه يافـلان ثـم قـال لبيـك
قلـه مثـل مـاقـال لبيك..(لـبـاك)


اطلق سراح الصدق من دون تشكيـك
ماذاق طعـم الحـب انسـان شكـاك


وياللي نسيت الحب وش فيك وش فيك؟
الى متى باقول وش جـاك وش جـاك


سنين وانا ادراك واغليـك واعطيـك
وسنيـن ماكنـه ولا يـوم اعـطـاك


من كثر ماحبك ومن كثـر مـا ابيـك
حتى..أحبك..واعشقـك..واتـمـنـاك


مستهلكه صارت واذا جيـت احاكيـك
يطلع كـلام ٍ غيـر كلـه (لعينـاك)


إن قلتلـك شـاريـك شـاريـك
وان قلتلك ابغاك تـدري بـي ابغـاك


ولاقلتلـك اغليـك واغليـك واغليـك
وش فيك ماترفق على منهو اغـلاك !